CAGAYAN DE ORO CITY – Gikompirmar ni Comelec 10 Director Francisco Pobe nga dili mominus anaa sa 30 ka lungsod o sobra 200 ka brgy ang dunay init nga bangi sa politika sa mga kandidato sa nagkaduol nga May 9 elections sa Northern Mindanao.
Kini subay sa nahuptan nila nga data nga nakasulod sa ilang sukdanan aron ipaubos sa yellow ug orange category ang security level sa maong mga lugar.
Gibutyag ni Pobe nga kini naglakip sa lalawigan sa Lanao del Norte,Misamis Occidental,Misamis Oriental ug Bukidnon.
Samtang pabiling wala pa’y natala nga bahad sa seguridad sa piliay ang Cagayan de Oro,Iligan City ug isla sa Camiguin.
Samtang gikonsiderar sa Police Regional Office 10 nga ‘good as approved’ na ang ilang gisugyot nga mga lugar sa Comelec nga angayang ipaubos sa election hot spot areas sa piliay sa May 9 dinhi sa rehiyon.
Alayon kini sa gibutyag ni Comelec 10 Director Francisco Pobe nga kadaghan sa mga lungsod o brgy nga angayang tutukan ang seguridad samtang nagkaduol ang eleksyon.
Gibutyag ni PRO 10 spokesperson Lt Col Michelle Olaivar nga pabiling 72 ka brgy lamang ang ilang nasubmitar apan mas labing bug-at kon naggikan sa Comelec ang data kabahin sa mga lugar nga ipaubos sa grave election concern category.
