CAGAYAN DE ORO CITY – Dili uyon ang PRO 10 sa sugyot o kagustuhan sa pipila ka Comelec officials nga kada-adlaw mabutang sa election hot spot areas ang Northern Mindanao nunot sa May 9 elections.
Kini sa tuyo nga dili mohatag kumpiyansa ang publiko sa seguridad samtang nagkaduol ang adlaw sa pagpili sa katawhan sa mga kandidato.
Gibutyag ni PRO 10 spokesperson Lt Col Michelle Olaivar nga dunay negatibo nga epekto ang maong sugyot rason nga gituyo tumbok nga brgy lamang ang pagpaubos sa areas of immediate concern.
Una nang gibutyag sa Comelec nga bana-bana nga anaa sa 30 ka lungsod sa rehiyon ang gitun-an ipaubos sa hot spot areas tungod sa init nga bangi sa mga politiko sa piliay.
Dugtong usab niini,gipaniguro sa Misamis Oriental PNP nga dili matugaw ang seguridad ug kahapsay sa pagpili sa katawhan sa ilang mga kandidato sa Mayo 9 nga piliay.
Kini human kompirmaha ni MisOr PNP Provincial Director Col Raniel Valones nga negatibo sa bisan unsa nga political armed group ang lalawigan nga hayan dakong bahad sa proseso sa piliay.
Miingon si Valones nga bugtong presensiya lamang sa CPP-NPA rebels ang anaa sa lalawigan apan kontrolado nila kini kuyog ang militar aron dili ma-sabotahe ang eleksyon sa probinsya.
