CAGAYAN DE ORO CITY – Gihimakak ni kanhi Calamba Mayor Luisito Villanueva Jr nga siya ang utok pagsulay hunos sa kinabuhi kang mayoralty candidate George Matunog sa Misamis Occiental sa miaging Marso ning tuiga.
Kini human kasuhi si Villanueva sa frustrated murder kuyog ang laing duha ka sibilyan nunot sa pagka-pusili ni Matunog sa iyang dagway.
Gibutyag ni Villanueva kinsa midagan usab pagka-mayor batok Matunog nga posibleng may kasuko kaniya ang biktima rason nga siya ang giduot sa maong salaod.
Samtang gitugyan na piskalya sa Misamis Occidental PNP ang pag-determinar kon may basehan ang kasong gipasaka sa CIDG batok sa grupo ni kanhi Calamba Mayor Luisito Villanueva Jr.
Kini human unang gikompirmar sa PRO 10 nga naduso na ang kasong frustrated murder batok Villanueva nga maoy gitumbok nga utok sa pagpapusil sa iyang kaatbang nga si mayoralty candidate George Matunog pinaagi sa motorcycle in tandem suspects.
Gibutyag ni Police Lt Charien Estenzo,tigpamaba sa Misamis Occidental PNP nga may pila ka adlaw nga gihatag ang piskalaya sa kampo ni Villanueva aron moduso sa ilang tubag batok sa pasangil sa biktima ngadto kaniya.
