CAGAYAN DE ORO CITY – Gidagsa sa dili mominus 150-mil ka tawo ang politically rally sa tandem ni kanhi Sen Bongbong Marcos ug Davao City Mayor Inday Sara Duterte kuyog ang local candidates sa syudad ug lalawigan sa Don Gregorio Peleaz Sports Center kagabii.
Kini ang bana-bana ni City Police Director Col Aaron Mandia kuyog ang Misamis Oriental PNP nga naghatag seguridad sa mga kandidato ug political supporters niini.
Gibutyag ni Mandia nga sulod sa maong kalihukan,walay mga dagkong hitabo nga nakabalda sa pagpatuman sa security operation kuyog ang 500 ka pulis sa syudad ug lalawigan.
Samtang nakasaway ang pipila ka local officials sa organizers sa political rally nila ni Marcos ug Duterte.
Gibutyag ni Brgy 29 Kagawad Analiza Uyguangco nga gisirad-an ang exit sa maong venue,busa naglisod sila’g gawas gumikan sa kadaghan sa mga tawo nga mitambong.
Miingon si Uyguangco nga magsilbing leksyon ang hitabo aron dili na masubli sa sunod nga mga aktibidad.
Dugang niini nga anaa sa sobra lima tawo ang iyang nakit-an nga gipangtabang kay nakuyapan epekto sa giingong nangagutman.
