CAGAYAN DE ORO CITY – Silot pagkatangtang sa trabaho ug katungdanan ang naghulat ngadto sa elected city officials ug mga empleyado sa city hall ning syudad.
Kini kon masapon nga mag-positibo sa paggamit sa gidili nga droga nga klaro nga kasupakan sa lagda sa kagamhanan.
Mismo si City Vice Mayor Jocelyn ‘ Bebot’ Rodriguez ang nangulo sa tanang mga konsehal aron sila kuhaan sa ‘urine drug test’ nga gihimo sa mga personsahe sa PDEA-10.
Gihimo ni Kag Romeo Calizo,chairman sa komitiba sa police and public safety sa konseho ang pahayag nunot sa surprise drug test nga gihimo ngadto kanila samtang kamulo nga sesyon kagahapon sa hapon.
Miingon si Calizo nga wala lamang usab kini mag-limit kanila nga pinili apan apil tanang city hall employees ug brgy workers sa dakbayan.
