CAGAYAN DE ORO CITY – Gihimakak sa mga opisyal sa East City Central School nga ang kapakyasan paghatag sa gipangayong pintal ang hinungdan kon nganong kalitt gipanas sa ilang magtutudlo ang tinud-anay nga grado sa usa ka tinun-an hinungdang nag-viral na hinoon kini sa social media.
Kini human unang gi-post sa Facebook ang pulos 70 nga grado sa bata ug perti kabulingit ang report card niini.
Miingon si East City Central School Principal Edgardo Yañez nga lahi nga grado sa bata ang unang nasulat sa maestra ug wala na usab niini mailisdi ang card kay wala na’y oras.
Una niini,mi-reklamo ang inahan ug iyaan sa tinun-an ngadto kang school principal kabahin sa gihimo sa magtutudlo.
Nabulit sa pagbatikos sa social media ang maong magtutudlo kabahin sa maong isyu.
