CAGAYAN DE ORO CITY – Gihupay ni House committee on constitutional ammendments chairman ug Cagayan de Oro 2nd District Cong. Rufus Rodriguez nga walay mahitabong ‘short cut’ sa pag-usab sa economic provisions sa batakang balaod sa nasud.
Kini maoy pasalig sa kongresista ngadto sa pipila ka kauban niini sa kamabaha nga nabalaka nga hayan dunay laing interes nga isukip kon sugdan na ang pagtuki sa charter change.
Gihimo ni Rodriguez ang garantiya nunot sa pagsugod na’g trabaho sa technical working group sa komitiba aron mohimo’g konsultasyon sa nagkadaiyang sektor sa kauluhan ug sa mga dagkong mga syudad palibot sa nasud.
Namugos si Rodriguez nga pinaagi sa pagpaluag sa economic provisions sa balaod,modaghan usab ang foreign investors nga mosulod ug makahatag sa bag-ong mga trabaho sa katawhan sa nasud.
Hisayrang maoy gusto ni Rodriguez nga mahatagan sa 100 percent business ownership ang mga negosyanteng langyaw aron daghan sila nga mosulod sa Pilipinas ug makahatag sa trabaho alang sa katawhan.
