CAGAYAN DE ORO CITY – Dunggon ning adlawa sa house committee on constitutional ammendments sa diha USTP gymnasium ang pag-uyon ug pagsupak sa mga baruganan sa nagkadaiyang sektor kabahin sa tinguha nga pag-usab sa batakang balaod sa nasud.
Miingon si Cong.Rufus Rodriguez sa segundo distrito sa dakbayan ug chairman sa maong komitiba nga paagi kini aron makuha ang pulso sa katawhan sa Northern Mindanao kon uyon o supak sila nga dunay usbon sa 1987 Philippine Constitution.
Siya miingon nga tipik sa mga mohatag sa ilang tagsa-tagsa ka baruganan ang gikan sa sektor sa edukasyon,komersyo,hingtungdang mga buhatan sa gobierno ug sa civil society organizations.
Giimbitar usab sa komitiba ang katawhan nga kon may igong panahon nga mosaksi sa cha-cha hearing nga sugdan alas 9:30 karong buntag.
