CAGAYAN DE ORO CITY – Nahurot na ang gibating kahadlok ni ambush survivor Lanao de Sur Gov. Mamintal Adiong Jr.
Kini human nahagit ang gobernador sa paghatag pa’g proteksyon sa ilang katawhan batok sa bisan kinsa nga armadong pundok o grupo sa mga sindikato sa ilegal nga droga nga naglihok sa iyang lugar.
Gitumbok ni Adiong ang pagpakusog pa sa kampanya kontra ilegal nga droga nga dili malalis nga naglihok sa pipila ka lungsod sa ilang probinsya.
Siya miingon nga kon mobati siya’g kahadlok,kinsa pa ang mangulo sa ilang katawhan sa pagpakigbatok sa ilegal nga droga nga gasulod sa probinsya niini.
Una nang namatay ang iyang upat ka paryente nga gilakipan sa tulo ka pulis sa dihang gi-ambush ang ilang convoy sa lungsod sa Maguing nga notado sa dagkong presensiya sa ilegal nga droga.
Sa wala pa banhigi si Adiong,gimano una niini nga pang-ibton ang balor 5 milyones nga tinanom nga mga punuan sa marijuana sa miaging semana.
Dugtong niini,gimando ni PNP chief Gen Rodolfo Azurin Jr sa tanang regional directors nga susihon ang security status sa local govt officials ilabina sa mga gobernador ug mayores sa tibuok nasud.
Gihimo ni Azurin ang kamanduan tungod sa kamatayon sa usa ka bise-mayor sa kauluhan ingon man pagpakaangol ni Lanao del Sur Provincial Gov Mamintal Adiong Jr ug laing mayor nga taga-Maguindanao nga gipusil sa kauluhan.
Siya miingon nga dili na gusto sa PNP nga may lain pang LGU officials nga mabiktima sa maong linuog nga hinimuan.
