CAGAYAN DE ORO CITY – Gipa-paspasan na sa kamarabaha ang pagtuki sa mga balaodnon nga nagtinguha nga mausbawan ang dawaton nga mga suluhan sa public social workers sa nasud.
Miingon si Misamis Oriental 2nd District Cong. Bambi Emano kinsa chairman sa technical working group sa House committee on social services nga angay lamang madugangan ang suhulan sa social workers kay anaa ang kahago sa ilang trabaho.
Gihimong pananglitan ni Emano ang pagsilbi niyang gobernador sa siyam ka tuig diin nasaksihan ang social workers nga madali-daling tawgon sa Dept of Health-10 ilabina sa higayon nga kusog pa ang COVID-19 pandemic.
Hisayrang daghang balaodnon nga nagtumong niini,rason nga kini gi-consolidate sa maong komitiba aron matuki ug mahatagan sa katumanan.
