CAGAYAN DE ORO CITY – Dili prosecutorial body apan gitahasan ang konseho aron mohimo’g imbestigasyon sa tuyo nga makamugna’g mga balaodnon nga mapuslan sa katawhan sa dakbayan.
Kini ang tipik sa depensa sa mayoriya sa konseho pinaagi kang social services committeee chairman Konsehala Girlie Balaba kabahin sa unod sa adhoc committee report sa re-investigation sa 700-million peso worth sa special ECQ ayuda diin nasapon nga dunay double-triple entries sa pagdawat sa mga benepesaryo sa 80 ka brgy ning syudad.
Nagkanayon si Balaba nga wala tukura ug butangi’g pinili nga city officials ang konseho aron moguba ug gamiton sa pamulitika tungod lang sa unsa man nga personal interes.
Nunot niini,gihangyo ni Balaba nga imbestigaran sa committee on ethics o committee on laws and rules ang giingong kasupakan ni adhoc committee chairman Kag.James Judith sa mga gabayan sulod sa konseho.
Subay sa report,duha ka kanhi ug laing aktibo pa nga city govt officials ang gitumbok nga giingong utok sa pipila ka descrepancies o pagwaldas sa natl funded special ayuda nga alang unta sa tinud-anay nga apektado sa COVID-19 pandemic ang gitumbok sa re-investigation fact finding sa konseho.
Samtang wala magpaila nga huwes si Judith aron hukman niya kon kinsa man ang mga kanhi ug aktibo nga city hall employees nga angayang taralon sa hukmanan tungod sa nasapon nga anomaliya sa special ECQ ayuda distribution sa syudad.
Tubag usab kini ni Judith sa depensa ni Balaba nga daw nasupak ang ilang city council rules sa kontrobersyal nga re-investigation sa ayuda.
Miingon si Judith nga dili usab mahitabo nga unahon niya’g hataga’g ang komitiba ni Balaba sa fact finding result kay apil sa nasapon nga nagpasagad ang 19th city council sa maong isyu atol sa miaging adminsitrasyon.
Samtang misukwahi ang kagustuhan ni adhoc committee vice chairman Kag. Roger Abaday sa baruganan ni Balaba sa baruganan sa mayoriya sa konseho kabahin sa unod sa fact finding report ni Judith sa special ECQ ayuda.
Kini human gusto ni Abaday nga mismo si Judith ang motumbok kinsa ang duha ka dagkong kanhi city govt officials ug laing usa nga aktibo sa city hall nga gitudlo nga manubag sa giingong pagwaldas sa maong salapi nga alang sa katawhan sa dakbayan.
Miingon si Abaday nga dili na kini motoo kang Judith nga naila nga si ‘Konsehal Asdang’ kon dili niini isuti kon kinsa ang gitumbok sa fact findings nga dunay tulubagon sa balaod.
Apan giklaro ni Judith nga fact finding ug dili korte ang adhoc committee nga dunay gahom pagtumbok sa maong personalidad ug isip abogado miila usab kini kon unsay ‘delicadeza.
‘Samtang namiligro nga walay padulngan ang resulta sa fact finding batok sa giingong pipila ka kahiwian sa pagpanghatag sa special ECQ ayuda sa katawhan sa dakbayan sa tuig 2021.
Gitin-aw ni committee on ethics vice chairman Kag. Jose Pepe Abbu Jr nga mahimong dawaton o dili ni Balaba ang resulta sa fact finding kay hangtod lang kini sa rekomendasyon.
Gipasabot ni Abbu nga dili trabaho sa city council ang pagduso’g kaso batok sa gitoohang minilyong salapi nga anomaliya apan kinahanglang maggikan kini sa pribadong tawo o mga magbubuhis sa dakbayan.
Hisayrang nakaung-ong ang kasong plunder sa maong isyu kon dunay intresadong mga indibidwal nga mo-pursige niini sa taas nga hukmanan.
