CAGAYAN DE ORO CITY – Gihulagway ni social services committee chairman Konsehala Girlie Balaba nga pulos ‘hangin’ ang sulod sa ulo ni adhoc committee chairman Kag. James Judith pag-abot sa isyu sa 700-million peso special ECQ ayuda sa dakbayan.
Kini human ingna ni Judith nga dakong sayop ang gipamugos ni Balaba nga kasupakan sa house parliamentary rules ang wala gilayong paghatag kopya kaniya sa resulta sa re-investigation sa special ayuda.
Miingon si Balaba nga unta kay abogado si Judith,nasayod na kini sa legalidad pag-abot sa mga buluhaton sa konseho.
Una niini,namugos si Judith nga gituman lang niya ang kaakuhan sa katawhan nga pangitaon ang tinud-anay nga rason kon nganong daghan sa benepesaryo sa ayuda ang wala makadawat sa dihang kini giapud sa tuig 2021.
Samtang gi-lektsuran ni Majority Floor Leader Kag. Ian Mar Nacaya si Judith kabahin sa pagsunod sa parliamentray house rules sulod sa konseho.
Kini human wala sunda ni Judith ang patakaran nga angayang unahon paghatag sa kopya sa iyang imbestigasyon ang komitiba ni Balaba kabahin sa special ECQ ayuda.
Gi-kuwestiyon usab ni Nacaya ang kredibilidad sa unod sa report ni Judith nga upat lang ka brgy ang iyang gi-imbestigar sa maong isyu taliwala sa kadako sa dakbayan.
Una nang nagdumili si Judith nga ibulgar ang pipila ka govt officials nga giingong utok sa pagwaldas sa pondo sa ayuda.
