CAGAYAN DE ORO CITY – Wala ikalisang ni Konsehal James Judith nga mo-resulta sa iyang pag-atubang sa kasong kriminal o administratibo ang pagpalugwa niini sa findings sa subli pag-imbestigar sa pondo nga gigamit sa special ayuda dakbayan.
Kini ang tubag sa konsehal kabahin sa iyang nasayran nga siya hayan kasuhan tungod sa pagsampit sa pipila ka dagkong mga personalidad nga angayang manubag sa balaod subay sa nakit-an niyang findings sa imbestigasyon.
Miingon si Judith nga dako niyang kadungganan nga lutuson kini tungod lang sa iyang giingon nga pagpangita sa kamatuoran sa tinud-anay nga napadulngan sa minilyong salapi sa miaging pagpanghatag sa katawhan sa dakbayan.
Una nang giduso ni social services committee chairman Konsehala Girilie Balaba nga imbestigaran aron ma-displina si Judith sa iyang istilo sa imbestigasyon ug pagtratar sa findings sa isyu.
Dumduman usab nga pagsidaan si kanhi City Mayor Oscar Moreno nga dili lang maghinobra si Judith aron walay atubangon nga kaso pag-abot sa panahon gumikan sa maong isyu.
