CAGAYAN DE ORO CITY – Napun-an ang sagubangon nga isyu sa pag-usab sa batakang balaod sa kamarabaha pag-abot sa senado.Kini human angkona ni Senate President Migz Zubiri nga wala sa ilang prioridad ang pagtuki sa charter change nga una nang aprobado sa kamara.
Miingon si Zubiri nga daghan ang mas prioridad nga angay atimanon ug dili ang paghisgot sa batakang balaod.
Una niini,dili uyon si senate committee on ammendments chairman Sen. Robinhood Padilla nga iagi sa constitutional convention o Concon ang charter change apan pinaagi sa constituent assembly o Con-Ass aron makadaginot ang gobierno sa bana-banang 14 bilyon pesos.
Samtang gitahod ni House committee on ammendments chairman Cagayan de Oro 2nd District Cong. Rufus Rodriguez ang baruganan sa senado.
Apan unta siya miingo nga makamao mo-respeto ang mga senador sa kagustuhan sa katawhan pinaagi sa 301 ka boto nga miuyon nga tukion ang pag-usab sa batakang balaod.
Siya miingon nga kon pabiling walay pag-usab sa balaod,dili na ikatingala nga padayon nga mabiyaan ang Pilipinas sa ubang kanasuran dinhi sa Asya.
