CAGAYAN DE ORO CITY – Opisyal nang mga sinagop nga isip Kagay-anons sila kanhi Pres Rodrigo Duterte ug Sen Bong Go dinhi sa syudad.
Kini human itunol kanila ang sertipikasyon nga pirmado ni City Mayor Rolando ‘Klarex’ Uy ug ubang city govt officials aron ilhon nga adopted sons ang duha ka taga- Davao City nga dako’g nahimo dili lamang sa syudad apan sa tibuok nasud.
Gitunol ang maong mga pag-ilan mismo atol sa Luncheon sa Liga ng mga Barangay Kapitan sa dakong hotel ning syudad karong adlawa.
Una niini,gipasalamatan ni ABC President Kag. Alam Lim si Duterte,Go ug Mayor Klarex sa maong kalihukan.
Una nang gihugtan ang seguridad palibot sa syudad ug lalawigan tungod sa paghidangat ni Duterte ning adlawa.
Miingon si Police Regional Office 10 spokesperson Police Maj Joann Navarro nga tuyo niini nga dili mabutang sa peligro ang seguridad sa kanhi pangulo ug ubang mga dagkong bisita sa nasud nga anaa sa dakbayan.
Siya miingon nga naka-aktibo ang ilang task force aron maoy mohatag sa solido nga seguridad sa presensiya ni Duterte samtang anaa pa sa dakbayan.
