CAGAYAN DE ORO CITY – Gikompirmar ni City Mayor Rolando ‘Klarex’ Uy nga gilimitahan una niya ang sunod-sunod nga pisikal nga pagpakita sa publiko sa mga programa nga gipatuman sa syudad.
Kini tungod sa security assessment nga dunay nagtinguha sa iyang kinabuhi.
Gilabkitan sa mayor ang gipaabot kaniya ni City Police Director Col. Aaron Mandia diin dunay wala ilhing personalidad nga nangutanahan kon ang kini nagpuyo ning syudad.
Kini ang rason nga pipila ka okasyon nga wala makit-i ang presensiya sa mayor sa mga kalihukan sa kabarangayan.
Gipasabot ni Uy ang katawhan nga likayan una niini ang paglakaw-lakaw aron dili masundan ang gidangatan ni Negros Oriental Gov. Roel Degamo nga gipatay bisan anaa sulod sa ilang compound sa miaging Marso 4.
