CAGAYAN DE ORO CITY – Paatbangan ni City Mayor Rolando Klarex Uy sa mas lig-on nga mga kandidato kon matinood ang gipakatag nga propaganda nga mag-tandem si kanhi City Mayor Oscar Moreno ug 2nd District Cong. Rufus Rodriguez sa umaabot 2025 midterm elections dinhi sa syudad.
Tubag sa mayor nga katungod ni Oca ug Rufus kon sila subli mag-uban sa ngalan sa politika gikan sa ilang pagsilbing kanhi mga kaatbang sa pagka-mayor sa miaging 2019 elections sa dakbayan.
Siya miingon nga sayo pa ang paghisgot sa politika apan mahimong si Misamis Oriental Gov. Peter ‘Senior Pedro’ Unabia ug 2nd District Cong.Bambi Emano usab ang iyang ipadagan batok sa giingong Oca-Rufus tandem samtang siya mobalik pagka-kongresista sa unang district sa syudad.
Samtang,wala pa’y gipabati nga komento si Moreno ug Rodriguez sa daw pagsukod sa pulso sa katawhan nga propaganda.
