CAGAYAN DE ORO CITY – Gitawag ni kanhi City Mayor Oscar ‘Oca’ Moreno nga dakong bakak ang daw walay kasayuran ni City Mayor Rolando ‘Klarex’ Uy sa pagkalangkat ni Kag. Ian Mark Ian Nacaya isip lider sa mayoriya sa konseho sa dakbayan.
Kini human unang gibutyag ni Klarex nga wala siya’y kalabutan sa daw kudeta nga gidangatan ni Nacaya diin 17 ka sakop sa konseho ang mibotar sa resolusyon nga ipuli sa iyang puwesto si Kag. Edgar Cabanlas.
Namahayag ni Moreno nga dili katuhuan ang gipangugat ni Uy rason nga napapha si Nacaya sa katungdanan.
Giakusar usab sa kanhi mayor nga kini ang resulta sa konseho kon dili makamao ang kasamtangang mayor mo-balanse sa italu-talo sa mga paksyon nga nagpalit kaniya.
Gitudlo usab ni Moreno nga hayan dunay dakong kalabutan sila kanhi Kag Eric Salcedo aron motigbabaw ang power broker group sulod sa konseho nga gilakipan nila ni Konsehal Roger Abaday,SK Fedeation President Kag. John Michael Seno ug bisan ni ABC President Kag. Alam Lim.
Samtang nahimo nga ‘sacrificial lamb’ si Nacaya sa naghinobrang ‘self-interest’ sa pipila ka konsehal nga anaa sa mayoriya sa konseho ning syudada.
Kini ang pag-analisar ni Moreno kon nganong kalit gihulipan ang pagka-majority leader ni Nacaya ni Cabanlas.
Namahayag si Moreno nga klaro nga gigamit lang sa pipila ka ‘power broker’ group si Cabanlas aron motigbabaw ang ilang kagustuhan nga maghari sulod sa konseho.
Apan luyo niini,mas pabor na usab kini ni Nacaya aron tinud-anay nga mapadayag niya ang iyang mga baruganan sa mga isyu nga giatuang sa dakbayan.
