CAGAYAN DE ORO CITY – Gusto ni Bukidnon Gov. Rogelio Roque nga masulbad sa labing dali nga panahon ang territorial dispute tali sa lungsod sa Kadilingan sa iyang probinsya ug munisipyo usab sa Carmen,North Cotabato.
Kini human naghatag sa kakuyaw sa kinabuhi sa katawhan sa maong lungsod ang kalit nga pag-atake sa 60 ka armadong tawo nga nakig-engkuwentro pa sa mga pulis nga nadestino sa PNP patrol base sa miaging Lunes sa kadlawon.
Miingon ang gobernador nga may gitukod na kining komitiba aron mapadali ang pagsulbad sa problem kay mikalas sa kinabuhi sa usa ka Hilario Campong sa panig sa mga armado ug pugsanong nagpabakwit usab sa sobra 400 ka pamilya gumikan sa tunga sa oras nga engkuwentro.
Samtang gipanganti ni Bukidnon Provincial Police Office Director Col. Reynante Reyes nga mataral sa hukmanan ang grupo sa mga armadong tawo nga nangantake sa ilang patrol base sa utlanang bahin sa Kadilingan,Bukidnon ug Carmen,North Cotabato.
Miingon si Reyes nga hinoon walay bisan usa ka pulis nga samaron o namatay sa pag-atake apan nabutang usab sa peligro ang mga kinabuhi niini rason nga may gihimo sila nga aksyong legal batok sa armadong pundok.
Hisayrang patay sa tunga sa oras nga engkuwentro ang usa ka Hilario Campong alyas Judas apan kusganon kining gihimakak sa kabanay niini.
