CAGAYAN DE ORO CITY – Andam modawat ang gobiernong-lokal nga pahimutangan sa nat’l govt sa nuclear power energy facility sa umaabot panahon.
Kini ang gilayong reaksyon ni Camiguin Gov. Xavier Jesus ‘XJ’ Romualdo kabahin sa pakigtagbo ni Pres Bongbong Marcos sa pipila ka dagkong mga negosyante sa Amerika nga mi-sentro sa energy sector ang mga negosyo.
Miingon si Romualdo nga dako’g ikatabang sa mahimong suplay sa koryente sa katawhan kon mapahimtang ang maong pasilidad sa ilang isla.
Una nang nagpasalig ang usa ka dakong US energy producer company nga motukod sa smaller nuclear reactor dinhi sa Pilipinas.
Dumduaman nga gusto ni Marcos nga magbaton sa laing tinubdan sa koryente ang katawhan sa nasud.
