CAGAYAN DE ORO CITY – Gikasuhan nila ni Kag James Judith ug Kag. Malvern Esparcia sa Ombudsman sa tulo ka kaso sila kanhi City Mayor Oscar Morenol;kanhi city administrator Teodoro ‘Teddy’ Sabugaa Jr ug ex-CSWD officer Mark Pabello.
Kini human akusahi sa duha ka konsehal nga angayang manubag ang kanhi city hall officials gumikan sa nadiskobre nga pipila ka giingong kahiwian sa pag-release sa sobra 700 milyones pesos nga special ECQ ayuda sa katawhan sa dakbayan.
Miingon si Judith kuyog ang ilang abogado gikan sa Sabio Law Office nga si Atty Francis Tahud nga kasong pagsupak sa anti-graft and corrupt practices act;falsification of public documents ug malversation of public funds ang giduso nila sa Ombudsman kagahapong adlawa.
Miingon si Judith nga pasiunang mga kaso pa lang kini nga ilang giduso batok sa kampo ni Moreno.Dugtong niini,dili na gyud unta angay tumpangan ni kanhi City Mayor Oscar Moreno ang pagsaba-saba ug pagkasu-kaso ni Judith batok kaniya sa Ombudsman.
Kini ang tubag sa kanhi mayor kabahin sa kasong pagsupak sa anti-graft and corrupt practices act;falsification of public documents ug malversation of public funds nga gihampak batok kaniya.
Subli namugos si Moreno nga walay unod ang maong mga kaso kay imbento lamang kini sa pundok nila ni Judith aron dunay ikapakita sa katawhan.
Una nang namugos ang kanhi mayor nga walay anomaliya sa gihimong cash distributions ngadto sa katawhan nga apektado sa krisis nga epekto sa COVID-19 sa tuig 2021.
