CAGAYAN DE ORO CITY – Gikompirmar ni Kag. James Judith nga hingpit nang naduso ang mga kaso sa Ombudsman batok kang kanhi City Mayor Oscar Moreno;former city administrator Teddy Sabugaa ug former CSWD overseer Mark Pabello.

Kini human gipamugos sa kampo ni Judith nga angay manubag sila Moreno tungod sa giingong kahiwian sa pagpanghatag sa cash ayuda sa katawhan sa dakbayan sa tuig 2021.

Gibutyag ni Judith nga may mga mosunod nga mga kaso nga ipasaka sa laing grupo nga mismong wala makadawat sa cash ayuda batok sa kanhi mayor sa dakbayan.

Samtang gi-welcome ni Moreno ang mga kasong gipasaka ni Judith ug Esparcia batok kanila ngadto sa Ombudsman.

Miingon ang kanhi mayor nga higayon kini aron sila makahatag sa ilang tubag sa Ombudsman aron pamatud-an nga pulos bakak ang giakusar batok kanila sa kampo ni Judith.

Namahayag usab si Moreno nga bisan sa gihimo ni Judith kaniya,giingong dili daw kini mobalos pagduso’g kaso sama sa libelo ngadto sa korte.

Hisayrang kasong malversation of public funds,falsification of public documents ug kasong graft and corruption ang giduso nila ni Judith sa Ombudsman batok Moreno sa miaging semana.