CAGAYAN DE ORO CITY – Mosang-at sa balaodnon si Kongresista Rufus Rodriguez sa segundo distrito sa dakbayan ngadto sa kamarabaha nga masibog sa laing higayon ang 2025 brgy ug sk elections sa nasud.
Kini maoy lakang nga ilang himoon aron dili lang duha ka tuig ang pagserbisyo sa mga kandidato sa brgy nga mangdaug sa ipahigayon nga October 30 nga piliay ning tuiga.
Miingon si Rodriguez nga mubo kaayo ang duha ka tuig nga paglingkod sa winning brgy officials nga dayag walay klarong mahimo sa ilang pagsilbi sa mismo nila nga katawhan.
Samtang moduso usab ang kamarabaha sa laing balaodnon nga mag-usab sa probisyon sa Local Government Code of the Philippines nga nag-sentro sa termino sa mga brgy opisyales palibot sa nasud.
Kini aron dili lang tulo apan himoong lima ka tuig ang paglingkod sa mga brgy kapitanes kuyog ang ilang mga konsehal itandi sa kasamtangang sitwasyon.
Miingon si Rodriguez nga dili ra kini suliran kay ubos lang ang maong probisyon sa local govt code itandi sa mga balaod nga nakasukip sa konstitusyon sa nasud.
