CAGAYAN DE ORO CITY – Miani sa pagbatikos ang security team ni City Mayor Rolando ‘Klarex’ Uy gikan sa mga sakop sa prensa sa dakbayan.Kini human mibati’g harassments ang pipila ka miembro sa Cagayan de Oro Press Club samtang mitambong sa kalihukan sa mayor sa Sitio Macanhan,Brgy Carmen ning syudad kagahapon sa buntag.
Miingon ang magsisibya nga si Mars Medina sa govt owned radio nga Radyo Pilipinas nga nasuko ang usa sa mga security escort ni Uy tungod sa nadunggan niini nga gihimo ang kalihukan alayon sa nagkaduol nga brgy elections sa syudad.
Pagsaysay ni Medina nga gipangwakli sila samtang naghimo sa ilang trabaho hinungdang gikondinar sa COPC ug nanganti nga e-boycott ang mga kalihukan sa dakbayan.
Samtang gihagit ni COPC Pres. Frank Mendez si City Mayor Rolando ‘Klarex’ Uy nga disiplinahon ang iyang sakop nga naghatag kaniya’g seguridad.
Kini human anaa sa tulo ka sakop sa main-stream media ang naharass samtang naghimo’g pag-cover sa iyang kalihukan sa Brgy Carmen ning dakbayan.
Miingon si Mendez nga angayang mahibal-an sa security team sa mayor kon unsay pinaka-uyukang trabaho sa mga sakop sa media kada-higayon nga dunay dinagko nga coverage sa dakbayan.
Una usab niini,gisaway sa taga- city hall ang gihimong pagbatikos sa COPC ngadto sa gipakitang taras sa sakop sa mayor.
Sa pagkutlo ning balita,wala pa’y giluwatan pahayag ang mayor kinsa nagpalagsik kay gihilantan tungod sa bivalent vaccine nga gitupok kaniya atol sa kalihukan kagahapon.
