CAGAYAN DE ORO CITY – Gibulgar ni City Mayor Rolando ‘Klarex’ Uy nga dunay 211 milyones pesos nga mga proyektong imprastraktura nga gikuwestiyon sa Commission on Audit o COA sa kanhi adminstrasyon ni former City Mayor Oscar Moreno.
Miingon si Uy nga nakurat sa kini sa maong COA findings hinungdang gitugyan niya sa city legal office aron mahatagan sa tubag.Miingon ang mayor nga dili unta siya ang angayang manubag niini kay natigayon ang maong mga proyekto nga giingong anomaloso sa panahon man ni Moreno.
Apan tubag ni Moreno nga obligasyon ni Uy nga atimanon ang mga proyekto nga wala nahuman ug nabiyaan sa kanhi Moreno administrasyon sa dakbayan.
Kini ang pag-edukar ni
Moreno kabahin sa kadudahan nga mga proyekto nga gikuwestiyon sa COA partikular sa tuig 2018.
Miingon si Moreno nga angay masayran ni Uy nga anaa ang gitawag nga principle of continuity sa local govt unit hinungdang dili na angay manampit niini apan motrabaho na lang.
Siya miingon nga panahon ni kanhi City Mayor Vicente ‘Dongkoy’ Emano,wala gani kini mag-kuwestiyon kay obligasyon niya nga ayuhon ug tiwason ang mga nabiyaang obligasyon kaniadto.
