CAGAYAN DE ORO CITY -Nabulgar mismo sa mga binuhatan ni City Mayor Rolando Klarex Uy nga wala kini gihimo sa mga programa ug mga proyekto nga nabiyaan ni kanhi City Mayor Oscar Moreno.
Kini bisan nga anaa ang prinsipyo sa pagpadayon nga sugo sa balaod.
Miingon si Moreno nga nagpasalamat siya sa COA findings kay mibanda’g balik kang Uy ang pagpasagad sa mga obligasyon unta niini sa katawhan sa dakbayan.
Una nang gipalanog ni Uy nga dunay findings ang COA nga dunay balor 211 milyones pesos nga balor sa infra projects nga wala mahuman sa gitakda nga panahon sa panahon ni Moreno.
Samtang sukwahi sa gipasiatab ni Moreno,giingong gidayeg na hinoon sa DILG 10 ang mga programa nga gipatuman sa city hall sa kasamtangang administrasyon.
Kini human isulti ni Uy nga nagtagbaw ug nakumbensir ang DILG sa pagdumala niini sa mga kalihukan sa dakbayan.
Miingon si Uy nga mismo si DILG 10 asst regioanal director Yvette Sunga ang nakadayeg kon unsa man ang mga programa nga gipatuman sa city govt sukwahi sa gisulti ni Moreno nga nahugno ang buyurukrasya sa dakbayan.
