CAGAYAN DE ORO CITY – Nakahilak bunga sa sobrang emosyon ang anak ni kanhi City Mayor Oscar Moreno nga si kanhi committee on women and family relations chairman Konsehal Imee Moreno atol sa ilang regular session sa konseho kagahapong adlawa.
Kini human giingong gipakuha-i City Mayor Rolando ‘Klarex’ Uy sa mayoriya sa iyang duha ka komitiba nga naglakip sa committee on cooperatives sa konseho.
Mismo si City Council Secretary Arturo de San Miguel ang pagbatbat sa gipasar nga resolusyon diin si Konsehala Girlie Balaba ang gipuli isip chairperson sa women and family relations committee ug si City SK Federation President Kag. Kenneth Sacala usab ang komitiba sa kooperatiba.
Si Konsehala Imee ang ikaduha nga konsehal na nahukasan sa komitiba nga unang nahitabo kang Kag. Ian Mark Nacaya ug gipuli si Kag. Edgar Cabanlas isip lider sa mayoriya sa konseho.
Samtang nahinugon si City Councilor Imee Moreno sa iyang duha ka komitiba nga gihuptan diin siya daghang mga programa nga gipatuman nga mi-sentro sa ikaayo sa kababayen-an ug mga koopetiba sa dakbayan.
Apan miingon ang batan-ong Moreno nga gitahod niya ang hukom ug kagustuhan sa mayoriya kay igo lang usab sila naghimo sa ilang trabaho.
Nagtoo usab kini nga dili mapasagdan ang mga sektor nga gi-representahan sa maong mga komitiba nga gihuptan na nila ni Konsehal Girlie Balaba ug City SK Federation Presiden Kag. Kenneth Sacala.
Samtang gipadumduman usab ni Cabanlas si Kag. Imee nga angay maandam ug maanad sa kalibutan sa politika kay komon kini nga mahitabo sulod sa ilang pagpanerbisyo sa katawhan sa dakbayan.
Samtang nasakitan ug mibati’g kalooy si kanhi City Mayor Oscar Moreno sa gibuhat ni incumbent City Mayor Rolando ‘Klarex’ Uy ngadto sa iyang anak nga si Moreno.
Kini human hukasi sa duha ka komitiba ang batan-ong Moreno atol sa ilang sesyon nga gihimo kagahapon sa hapon.
Miingon ang kanhi mayor nga tungod sa naghinobrang interes ni Uy,gihimo na niini nga ‘rubber stamp’ ang konseho masunod lang ang kagustuhan niya samtang nagyaka sa city hall.
Una usab niini,nasakitan ang mga Uy dihang gitawag ni Moreno nga kulang sa kahibalo ug dili angay mapili ug mangantungdanan isip kapitan sa Brgy Carmen si kanhi City Vice Mayor Kikang Uy sa miaging kampanya sa piliay sa brgy ning tuiga.
