CAGAYAN DE ORO CITY – Napili alang sa iyang katapusang termino si Brgy 40 Kapitan Alam Lim aron panguluhan isip presidente ang hugpong sa mga kapitanes sa syudad.
Kini human ilusad sa mga kapitanes ang election sa pagka-Association of Barangay Council o ABC federation president aron magsilbing modala sa tingog sa mga kapitanes sulod sa konseho sa dakbayan.
Miingon si kanhi Brgy 17 Kapitan Jericho Goldmar Ebabacol nga nakakuha sa Lim sa 47 ka boto aron subling mapili sa ikatulong higayon pagka-ABC president sa dakbayan.
Siya miingon nga maoy nagsilbing kaatbang ni Lim sila Brgy 17 Kapitan Anthony Artivery nga dunay 16 botos ug Lapasan Punong Brgy Julito Ogsimer nga nakakuha usab sa 14 ka suporta gikan sa iyang mga kaalyadong kapitanes sa syudad.Samtang nagsilbing bise-presidente ni Lim si Gusa Punong Brgy Marlo Tabac.
Samtang pangunaya’g hangyo ni Lim si City Mayor Rolando Klarex Uy nga magbaton na sa kaugalingong opisina ang mga sunod nga mapiling federation brgy officials sa dakbayan.
Kini ang saad ni Lim igo paghuman sa ABC federation election diin siya nasublian sa iyang ikatulong higayon aron mangulo sa mga kapitanes sa dakbayan kaganihang buntag.
Siya miingon nga kon mobarog na ang bag-ong city hall,mangayo sila’g espasyo nga alang lamang sa liga ng mga kapitanes aron duna kini madawat nga klarong opisina ning syudad.
