CAGAYAN DE ORO CITY – Nabulgar nga gibakakan ni City Mayor Rolando ‘Klarex’ Uy ang katawhan sa pag-ingon nga 25 ka bulan nga walay bayad-bayad si kanhi Mayor Oscar Moreno sa obligasyong-pinansiyal sa gigamit nga mga pasilidad sa Xavier University sa miaging COVID-19.
Kini ang gibutyag ni kanhi City Mayor Oscar Moreno sa pasangil nga walay bayad-bayad ang kanhi administrasyon sa maong obligasyon sulod sa 25 ka bulan.
Namugos si Moreno mitala sa sobra 7 milyones pesos ang giingong obligasyon sa kanhi administrasyon paggamit sa XU facilities nga gisak-an sa mga pasyente nga positibo sa bayrus.
Miingon si Moreno nga subay sa sulat sa maong unibersidad,sobra 22 milyones pesos ang nabayad sa syudad ubos sa iyang panahon itandi sa kapin 5 milyones pesos lamang sa paglingkod ni Klarex.
Dumduman nga gibutyag ni Uy sa miagi niya nga pag-atubang sa prensa nga nagbilin sa dul-an 3 bilyones nga obligasyon si Moreno sa city diin naglakip na sa bayrunon sa XU health facilities.
