CAGAYAN DE ORO CITY – Pangayu-on ni Mindanao Devt Authority committee chairman Misamis Oriental 2nd District Cong. Bambi Emano ang suporta sa 60 ka magbabalaod nga nakabase dinhi sa isla.
Kini human siya tahasi ni House Speaker Martin Romualdez nga panguluhan ang komitiba aron ipadayon ang paghatag katumanan sa mga programa ug mga proyketo sa Mindanao.
Siya miingon nga dako nga obligasyon ang bag-o nya nga trabaho rason nga mosandig kini sa iyang mga kaubang kongresista gikan sa unom ka rehiyon dinhi sa Mindanao.
Dugang sa kongresista nga tungod sa bag-ong tahas,mas mosamot kapuno ang iyang iskedyul sanglit kanunay na kining masampit kon unsa man ang mga kasikas nga sulod sa isla.
Apan pasalig sa kongresista nga dili madehado sa mga programa’g batakang serbisyo ang mismong katawhan ilabina ang mga lungsod ug syudad sa segundo distrito sa Misamis Oriental.
Hisayrang tungod sa pagsilbing deputy house speaker ni Lanao del Sur 2nd District Rep.Yasser Balindong,nahatagan sa dugang trabaho si Emano alang sa interes sa Mindanaoans.
