CAGAYAN DE ORO CITY – Kabahin sa pagsupak nga usbon ang batakang balaod ang isinggit sa pro-EDSA People Power 1 groups sa ilang mga katiguman sa kauluhan sulod ning semana.
Kini ang gibutyag ni Kilusang Magbubukid ng Pilipinas chairperson Danilo Ramos kinsa tipik ang grupo nga dakong supak sa charter change gamit ang People’s Initiative.
Miingon si Ramos nga nalipay sila kay bisan ang dagkong mga pundok sa simbahan sama sa mga Katoliko ug ubang grupo ang mipadayag na sa pagbabag nga hilabtan ang economic provisions sa konstitusyon.
Samtang namugos ang mayoriyang sakop sa mga kongresista sa kamarabaha nga hinog na nga dunay usbon sa konstitusyon sa nasud.
Kini ang pabiling baruganan ni House Mindanao affairs committee chairman ug Misamis Oriental 2nd District Cong. Bambi Emano sukwahi sa daghang pundok nga misaway sa charter change advocacy sa kamara.
Miingon ang kongresista nga dili pa igo ang kaluag sa mga balaod pang-ekonomiya kay pabiling daghan pa gihapon ang pamilyang kabus sa nasud.
Kini ang rason nga kon gisuportahan niya ang tinguha kaniadto nila kanhi Pres Gloria Arroyo,kanhi Pres Rodrigo Duterte,susamang pagpaluyo usab ang iyang gihatag sa administrasyon ni Pres Bongbong Marcos sa maong isyu.
