CAGAYAN DE ORO CITY – Gitangtang una sa Commission on Elections ang sobra 40-mil ka botante gikan dinhi sa syudad ug sa Misamis Oriental.
Kini human nasuta sa balidasyon sa ahensiya nga duha ka higayon nang pakyas makabotar sa miaging mga piliay ang maong mga botante.
Miingon si Provincial Election Supervisor Atty Carlito Ravelo nga gihimo nila ang list cleansing dungan usab sa ilang pag-aprobar sa sobra 40-mil ka aplikante aron mahimong mga bag-ong botante sa umaabot 2025 elections dinhi sa nasud.
Kasamtangan pa ang voter’s registration palibot sa Northern Mindanao hangtod sa Setyembre ning tuiga.
