CAGAYAN DE ORO CITY – Walay angay ihinambog ang transport cooperatives nga nagkubot na sila sa modernong bus units sa pagpasakay sa mga pasahero ilabina dinhi sa Northern Mindanao.
Kini human unang gisulti sa LTFRB 10 nga dos-porsiento na lang sa old passenger jeepneys ang nagdumili pagpaubos sa frachise consolidation.
Namahayag si Joel Gabatan,presidente sa United Drivers Association o UNIDA nga ang tinood nabalaka sila nga daghan ang mawad-a’g panginabuhi ug mag-atubang sa minilyong mga utang sa bangko.
Kini tungod kay galisod ang transport cooperatives pagkab-ot sa targeted nga kinitaan aron makatubag sa batakang panginahanglan sa mga sakop-miembro niini.
