CAGAYAN DE ORO CITY – Gitambagan ni interim General Manager Fermin Jarales ang mga empleyado nga mo-distansya na sa gihimong mga lakang sa set aside board of directors ug pipila ka Cagayan de Oro Water District o COWD officials.
Kini human mas gipaboran sa Office of the Govt Corporate Counsel ang LWUA takeover kaysa sulat-hangyo alang sa legal opinion gikan sa grupo sa set aside COWD officials.
Namahayag si Jarales nga tungod sa OGCC opinion nga maoy tinahasan sa balaod sa pag-resolbar sa isyu, unta dili na magsinamok ang pipila ka grupo aron maka-pokus na sila pagsulbad sa daghang suliran nga giatubang sa COWD.
Hisayrang wala na pasudla sa COWD regular employees si Jarales sa iyang temporaryong opisina ug may pag-prayer rally usab kada-adlaw aron ipalayas ang interim officials nga tinudlo sa LWUA.
