CAGAYAN DE ORO CITY – Gihinambog ni Pres Bongbong Marcos nga wala sa ilang kumpletong senator line-up nga nalambigit sa dug-ong war on drugs.
Kini kabahin sa iyang mensahe sa pag-presentar sa mga kandidato pagka-senador alang sa 2025 May elections sa mismong balwarte niini sa Laoag City,Ilocos Norte kagabii.
Sa pagsaysay ni Marcos nga dili daw makita sa bisan kinsa sa ilang mga kandidato nga nalambigit sa isyu sa minilyong pagkawkaw sa pondong salapi dihang miigo ang COVID-19 sa nasud.
Dili usab daw mga kandidato ang linya sa administrasyon nga malipay kon bombaha’g tubig sa mga barko sa China ang mga sakop sa Philippine Coast Guard.
Kini daw ang rason nga angayang mag-vote straight ang katawhan sa ilang mga kandidato sa piliay.
Wala nganli ni Marcos si kanhi Pres Rodrigo Duterte apan sumbingay kini nga posibleng gipunting sa kanhi administrasyon.
Hisayrang gikansawan usab ni Marcos ang ubang mga partido nga igo lang daw naghatod sa suka apan pagbalik nagbitbit na sa sertipiko de kandidatura alang sa May 12 elections.
