CAGAYAN DE ORO CITY – Kakuhaan sa leksyon sa tanan ug wala na’y angay mahitabong pagpasagad sa mga departamento nga natahasan sa mga preparasyon sa mga dokumento alang sa sunod nga pagkab-ot sa Seal of Good Local Governance o SGLG award sa syudad.
Kini ang kabahin sa pagtulun-an sa city govt nga mitisok sa ilang pangutukan kay wala nakuha ang maong pasidungog tungod lang sa gamay’ng kakulangon sa preparasyon niini sa miaging tuig.
Miingon si DILG City Director Edward Bhagwani nga mihimo’g apelar ang city govt aron subli makuha ang SGLG award apan nagligas lang sa pila ka adlaw ug gilugwa na sa ilang central office ang resulta sa matag-LGU nga nakakuha niini.
Siya miingon nga adunay sipyat sa aspetong seguridad kay adunay mga kaso sa 2022 nga nakarga sa 2023 nga maoy nakapabagsak na hinoon sa maong pagsusi.
Gipasabot niini nga nagtrabaho ug wala nagpasagad ang katibuk-an sa working committees apan nalipat sa duha lang ka aspeto nga kung nadali apil ang city govt sa SGLG awardees.
Dumduman nga bagsak sa isyu sa pagtubag sa kriminalidad,public safety ug wala pagsunod sa quarterly meeting sa peace and order council ang tipik sa basehan wala pagka-mintinar sa city govt sa SGLG alang sa tuig 2024.
Hisayrang 86 ka high-performing local govt units nga giila sa DILG-Manila, walay apil ang Cagayan de Oro niini.
