CAGAYAN DE ORO CITY – Nalugwayan sa laing unom ka bulan ang pagsilbing interim manager ni Fermin Jarales sa Cagayan de Oro City Water District.
Kini human niya isulti nga nauyunan sa kadagkuan sa Local Water Utilities Administration o LWUA nga ipatiwas ang mga nasugdan nga gimbuhaton niini sulod sa COWD nga kasamtangang nag-atubang sa daghang suliran sa panerbisyo sa dakbayan.
Miingon si Jarales nga tungod sa maong term extension,mapaspasan pa niini ang mga reporma aron sa pagsulod sa regular nga COWD management,igo na lang ipatuman.
Hisayrang ikaduhang higayon kini nga nalugwayan ang pagdumala ni Jarales sa COWD nga nagsugod sa milabay’ng Mayo 2024.
