CAGAYAN DE ORO CITY – Wala pa kawad-i sa paglaum ang liderato sa Philippine Air Force o PAF nga buhi nga ma-recover ang duha ka piloto nga nagmaneho sa na-missing nila nga FA-50 fighter jet.
Kini human nagsilbing kabahin sa naghatag sa aerial support sa tropa sa 4ID,Philippine Army batok sa 70 ka CPP-NPA members nga gika-engkuwentro sa Brgy Iba, Cabanglasan,Bukidnon sa miaging Lunes Martes sa kadlawon.
Miingon si PAF spokesperson Col. Maria Consuelo Castillo sa ekslusib interbyu sa Bombo Radyo nga na-detect nila nga nakahimo pa sa paghatag signal ang mga sakay’ng piloto pipila ka minutos sa pagkawala sa signal sa eroplano.
Siya miingon nga gihinaut nila nga anaa sa luwas nga lokasyon ang ilang mga kauban samtang gisugdan na’g pagpangita sa tropa sa mga sundalo sukad kagahapong adlawa.
Sa pagkakaron, wala pa’y gihatag nga hinungdan ang PAF kung nganong kalit nawaala ang eroplano rason gihimo ang subsob nga imbestigsayon.
