CAGAYAN DE ORO CITY – Dili mahimo nga magpabilin ang bangi ug panaglahi sa baruganang-politikal kay walay kaugmaran nga mahitabo dinhi sa dakbayan.
Kini ang pagpasabot ni Misamis Oriental District 2 Cong. Bambi Emano kung nganong gipadaplin sa ilang pamilya kuyog ang Partido Padayon Pilipino ang deperensiya sa politika ug gisuportahan ang kandidatura ni kanhi City Mayor Oscar Moreno batok incumbent City Mayor Rolando ‘Klarex’ Uy sa May 12 elections.
Miingon si Emano nga nagkinahanglan sa katimbang si Cagayan de Oro 1st District Cong. Lordan Suan sa iyang trabaho sa distrito uno rason nga nagkauliay sa maayong relasyon ang duha ka dagkong pundok sa politika sa dakbayan.
Hisayrang sa usa ka gihimong survey sa pagka-mayor sa dakbayan, giingong tres porsiento lang ang abante ni Klarex ngadto kang Moreno.
