CAGAYAN DE ORO CITY – Sentro sa batikos sa mga mitambong sa Bring Him Home: A prayer rally for Tatay Digong sila Pres Bongbong Marcos,House Speaker Martin Romualdez ug Supreme Court chief Justice Alexander Gesmundo ning syudad.
Kini human giakusar sa mga supporter ni kanih Pres Rodrigo Duterter nga mismo si Marcos ang mitugyan sa International Criminal Court taliwala sa saad nga dili mosuporta ang Pilipinas sa giatubang nga crime against humanity case niini.
Gibutyag ni 2nd District City Councilor Girlie Balaba nga kon si Duterte prioridad ang pagtabang sa OFWs nga nagka-problema sa ilang trabaho sa abroad,apan sukwahi si Marcos kay isalikway hinoon niini ug itugyan sa ICC.
Dumduman nga gipatoo ni Marcos nga sugo sa International Police ang pagsilbi sa arrest warrant batok Duterte apan nagsumikad kini sa ICC sa miaging semana.
