CAGAYAN DE ORO CITY – Mitala na’g sobra 18-mil ka pirma gikan sa giingong nagkadaiyang nationalities ang nagpadayag suporta nga dili angay hatagan sa asylum si kanhi presidential spokesperson Atty. Harry Roque sa Netherlands.
Kini human supaka sa pipila ka grupo sa mga Pinoy ilabina ni Joel Vega kinsa Dutch citizen na nga sa Netherlands magpasilong si Roque taliwala nga may mga obligasyong legal pa siya nga angay sulbaron sa kamarabaha nga nag-imbestigar batok kaniya.
Miingon si Vega nga dili angay hatagan sa gipangayo si Roque kay nagtoo sila nga wala kini mabutang sa peligro ang kinabuhi niini.
Siya miingon nga mas maayo nga mouli si Roque sa Pilipinas aron atubangon ang mga atraso niini.
Gipakuratan ni Roque ang Pilipinas dihang kalit kining nakit-an sa publiko dihang gibitbit sa International Criminal Court si kanhi Pres Rodrigo Duterte sa Netherlands kay nag-atubang sa kasong crimes against humanity epekto sa war on drugs policy niini kaniadto.
Hisayrang si Roque ang nagsilbing tigpamaba ni Duterte sa milabay’ng unom ka tuig nga pagdumala sa Pilipinas ug tinguha usab nga magsilbing iyang defense counsel batok sa ICC prosecution sa giatubang nga kaso.
