CAGAYAN DE ORO CITY – Ipahamtang sa Commission on Election o Comelec ang 10-day ban sa tanang social services nga iya sa pipila ka nasudnong buhatan sa gobierno o local govt units sa dili pa ang May 12 elections.
Kini bisan kung gitugtan ang DSWD nga makahimo sa cash distribution pinaagi sa nagkadaiyang programa sa AICS,AKAP ug 4Ps taliwala nga mosugod na ang kampanya sa mga kandidatong-lokal sa nasud ugmang adlawa.
Miingon si Comelec-Misamis Oriental Provincial Election Supervisor Atty. Carlito Ravelo nga walay nausab sa maong kamanduan rason nga magpadayon ang pagpatuman niini sa taliabot piliay.
Siya miingon nga dili na sila manginlabot sa ubang mga ahensiya nga adunay pagtugot nga makahimo pa sa ayuda distribution kung kini nakakuha’g pagtugot o ban exemption ning panahona.
Giklaro ni Ravelo nga kadtong mga masapon nga mosupak sa gisitar nila nga 10-day ban sa social services ang gilayon nila gitugyan sa committee on kontra-bigay aron ipaubos sa imbestigasyon ug kasuhan.
Hisayrang maoy gitugtan lang sulod sa 10- day ban period nga social services lamang ang hisgutanan sa panglawas ug burial assistance.
