CAGAYAN DE ORO CITY – Nakalot sa joint operators sa Philippine National Police ug Philippine Army ang duha ka tag-as nga kalibre sa armas nga gipanglubong sa pipila ka sakop sa Communist Party of the Philippines -New People’s Army o CPP-NPA sa hilit nga bahin sa Brgy Gambal,Lumba-Bayabao,Lanao del Sur.
Pagsaysay ni Police Regional Office 10 Director Brig Gen Jaysen De Guzman nga natumbok sa mga operatiba sa 1004th Maneuver Company, Regional Mobile Force Battalion 10 ug Special Forces Team 207 sa 2nd Company, 1st Special Forces Battalion, Philippine Army ang M-14 ug M1 Garanda rifles tungod sa pagbulgar sa kanhi aktibong sakop sa NPA nga unang mitahan sa militar sa Bukidnon sa miaging Pebrero 2024.
Siya miingon nga unang gitudlo sa kanhi NPA member ang lokasyon sa Sitio Talid-Talid,Dominorog,Talakag,Bukidnon nga gilubngan sa mga armas apan paghidangat sa mga otoridad,wala sila’y nakit-an rason nga gilayong gidalikyatan ang ikaduhang lugar.
Kasamtangang nang naka-kustodiya ang maong mga armas sa 2nd Company, 1SFBn sa Sitio KM26, Brgy. Tikalaan, Talakag, Bukidnon alang sa tukmang pag-dokumento.
