CAGAYAN DE ORO CITY – Gidid-an sa Commission on Elections ang tanang mga kandidato makahimo’g pagpangampanya sa adlaw’ng Huwebes ug Biyernes sunod semana.
Kini maoy pagklaro ni Comelec 10 regional director Atty. Renato Magbutay nunot sa pag-obserbar sa Kristohanong katilingban sa semana santa.
Miingon si Magbutay nga angayang magbaton sa respeto ang mga kandidato sa maong mga balaang adlaw kay adunay nakatangag nga balaod kabahin niini.
Siya miingon nga andam sila mohimo’g imbesigasyon ug mokaso batok sa mga kandidato nga nga masapon nga mosupak niini.
Hisayrang dili na angay padumduman ang mga kandidato niini kay dugay na kini nga resolusyon ug imposible nga wala sila masayod.(PC)
