CAGAYAN DE ORO CITY – Gitahasan ni Pres Bongbong Marcos ang iyang kapolisan nga dili magpatulog-tulog sa paghatag seguridad sa katawhan nga mohimo sa pag-obserbar sa mga mahal nga adlaw sa semana santa sa nasud.
Kini ang rason nga giisa ni Police Regional Office 10 Director Brig Gen Jaysen De Guzman ang taas nga alerto sa rehiyon sa pagsiguro nga masunod ang security implementation plan alang sa mga debotong Kristiyano nga motamod sa semana santa.
Miingon si PRO 10 spokesperson Major Joann Navarro nga importante’g papel ang katawhan ilabina sa kooperasyon sa gipatuman nila nga seguridad particular sa mga simbahan,terminals,pantalan,airports ug pilgrimage sites.
Tuyo usab niini nga pugngan nga makasulod ang posibleng mga dautang tawo nga mohimo’g sabotahe sa kahusay’g kalinaw hangtod nga matapos ang semana santa.
