CAGAYAN DE ORO CITY -Mohimo sa subling panagtagbo ang naglangkob sa incident management team o IMT sa city govt alayon sa paghatag seguridad sa pag-obserbar sa semana santa sa syudad sunod semana.
Miingon si City Disaster Risk Reduction and Management Department o CDRRMD manager Nick Jabagat nga tuyo niini nga makahimo’g pinal nga mga patakaran alang sa paghatag seguridad sa tanang mga lugar diin dagsa ang mga tawo alang sa pagpamalandong.
Siya miingon nga halos walay gipatuman nga mga kabag-uhan sa miaging pag-obserbar sa semana santa apan may ipuno sila nga mga gimbuhaton pagsiguro sa kahusayg ‘ kalinaw sa mga simbahan,terminals,pilgrimage sites ug ubang mga lugar hangtod sa Domingo sa Lauya.
Sa pikas bahin,gipaniguro sa Misamis Oriental Provincial Disaster Risk Reduction Management Office o PDRRMO nga mahatagan sa ensaktong seguridad ang katawhan nga mohimo usab sa pagbalaan ug pagmanlandog sa semana santa.
Kini human gimando ni Provincial Gov Peter Unabia ngadto sa PDRRMO ug local govt units nga isaka ang alerto alayon sa maong kalihukan.
Miingon si MisOr PDRRMO head Fernando Dy Jr nga sunod semana, isaka na nila sa blue alert ang probinsya alang sa usa a semana nga relihiyosong kalihukan.
Hisayrang ubay-ubay’ng mga lokasyon nga adunay pilgrimage sites nga dagsaon sa katawhan ug wala pa’y labot niini ang pagtabok sa Camiguin diin tinuig gi-obserbar ang Panaad sa mga debotong Kristiyano.
