CAGAYAN DE ORO CITY – Naka-pokus ang atensyon sa City Disaster Risk Reduction and Management Department o CDRRMD sa nagkadaiyang beach resorts nga gidagsa sa katawhan sa dakbayan.
Miingon si Nick Jabagat,manager sa CDRRMD nga susamang 600 ka personahe sa city govt ang ilang gikatag aron bantayan ang mga pamilya o mga deboto nga mangaligo haom sa Domingo sa Pagkabanhaw ning adlawa.
Siya miingon nga naka-isa gihapon ang RED ALERT sa incident management team sa pagsiguro nga makab-ot ang zero casualty sa maong kasaulugan sama sa kaso sa pagkalumos.
Sa pagdagsa sa libuang mga deboto sa bukid sa Malasag sa Brgy Cugman ug Berhin sa Guadalupe sa tri-boundaries sa Tablon,Agusan ug Balubal,negatibo sa dagkong panghitabo sa maong kalihukan.
Sa pikas bahin,nakaisa pa gihapon sa blue alert status ang pangpublikong seguridad sa Misamis Oriental.
Kini alayon sa dagkong hagit nga giatubang sa provincial govt kuyog ang city ug municipal govt offices epekto sa daghang katawhan nagdalikyat sa coastal areas tungod sa selebrasyon sa pagkabanhaw.
Namahayag si Fernando Dy Jr,head sa MisOr-Provincial Disaster Risk Reduction and Management Office o PDRRMO nga kabahin na sa ilang obligasyon ang paghatag sa hugot nga pagbantay ngadto sa mga lokal ug langyaw’ng mga bisita nga gusto mosinati sa tourist destinations ilabina sa Easter Sunday celebration.
Hisayrang ang lungsod lang sa Claveria gikan sa 25 ka lugar ang wala magbaton sa kaugalingong dagat sa lalawigan.
