CAGAYAN DE ORO CITY – Wala pasagdi apan giatiman sa city govt ang mga panginahanglan sa House of Hope Foundation sukwahi sa pasangil sa pipila sa nga mikontra sa pagtake-over niini diha sa Upper Palalan,Brgy Lumbia ning syudad.
Kini ang tubag ni JR Borja General Hospital acting chief Dr. Michael June Perez sa akusasyon nga wala motuman sa kasabutan tali sa simbahan ang kagamhanan sa syudad.
Miingon si Perez nga dili tinood ang sulti ni House of Hope Foundation co-founder Msgr. Eutiquiano ‘Tex’ Legitimas,PC,SSJV nga napakyas pagsanong ang city hall sa paghatag sa tabang-pinansyal alang haom sa pirmadong kasabutan nga magtambayayong sila pagpangatiman sa mga tawo nga pasyente nga dunay depekto sa pangutok.
Gipasabot ni Perez nga angcustodial psychiatric care facility ‘fully functional and operational’ ilabina nga hapsay ang pagpadagan sa mga staff sa maong pasilidad.Nagsilbing ‘full administrative, managerial and operational functions’ ang pasilidad ubos sa JRBGH sugod Enero 2023 pinasikad sa usa ka Memorandum of Agreement.
Kini pirmado ni City Mayor Rolando Klarex Uy ug Monsignor Jose Alan P. Pulgo, chairperson sa Board of Trustees sa House of Hope Foundation diin saksi si Cagayan de Oro Archbishop Most Reverend Jose A. Cabantan, Perez ug JRBGH overseer Dr. Ferdinand D. Miranda.
Nabulgar kini nunot sa pagduol sa media ang grupo ni Legitimas kay aron matawag ang atensyon sa city govt nga daw nagpasa-pasa sa ilang gisaad nga obligasyon nga magamit pag-atiman sa 53 ka pasyente.
Hisayrang inisyatiba sa simbahan ang pagkamugna sa maong pasilidad diin kabahin si Legitimas nga nagtukod niini apan tungod sa gisudlan nga kasabutan, daw napadaplin sila kay gihuptan na sa JRBH.
