Kampante ang mga abogado ni Vice President Sara Duterte nga mapadaug nila ang kaso sa impeachment case batok sa ikaduha sa pinakataas nga opisyal sa gobyerno sa Pilipinas.
Gilitok kini mismo ni VP Sara human niya gitapok ang iyang legal team.
Gibutyag ni Duterte nga masaligan ug lig-on ang katakos sa iyang mga abogado ug dili siya maduot sa kaso tungod kay saksi ang Kahitas-an sa iyang kaligdong sa pagserbisyo sa katawhan sa tibook Pilipinas.
Wala na mihatag sa dugang detalye ang bise presidente sa gihimong preparasyon sa ilang legal team. Ang undang adlaw sa impeachment hearing ipahigayon sa Hulyo 1.
