Nangayog tabang ang gobyerno sa Pakistan human nakadawat sila sa intelligence report nga atakehon ang ilang nasud sa India.
Subay sa interview sa Cable News Network, namahayag si Pakistani Minister Attaullah Tarar nga sa bisan unsang oras, pwede silang atakehon pinaagi sa airstrike sa Indian Troops.
Gipamugos ni Tarar nga kasaligan ang iyang nakuha nga impormasyon busa kinahanglan niya kining ipalanog sa tibook kalibutan aron masayran sa international community ang tinguha nga military action sa India nga mulungtad sa 24 hangtud sa 36 ka oras.
Gumikan niini, gipahibalo ni Tarar ang gobyerno sa India nga dili nila sibugan ang laraw nga pag-atake sa ilang nasud.
Hisayran nga pulos nanag-iya sa armas nuclear ang duha ka nasud.
